“Buzovna və bir sıra ərazilərdə çirkab sularının dənizə axıdılması ilə bağlı faktlar var. Hazırda bu məsələ araşdırılır. Problemin həlli istiqamətində aidiyyəti üzrə tədbirlər görülür”.
“Report” xəbər verir ki, bunu Ekologiya və Təbii Sərvətlər Nazirliyinin (ETSN) Xəzər kompleks ekoloji monitorinq idarəsinin rəisi Nazim Mahmudov “Ekspert saatı”nda deyib.
O bildirib ki, çirkab sularının idarə olunması ilə bağlı məsuliyyət “Azərsu” ASC-nin üzərinə düşür: “Bu məsələ maddiyyat tələb etsə də, qarşısı mütləq alınmalıdır”.