Azərbaycan ağacların əkilməsi və ölkənin yaşıllaşdırılması istiqamətində genişmiqyaslı təşəbbüslər irəli sürüb.
“Report” xəbər verir ki, bunu Ekologiya və Təbii Sərvətlər Nazirliyinin Ekoloji siyasət şöbəsinin müdiri Faiq Mütəllimov Zəngilanda keçirilən “COP29-a aparan yol: Dayanıqlı və davamlı gələcək” mövzusunda 29-cu yüksək səviyyəli görüşdə çıxışı zamanı deyib.
Onun sözlərinə görə, Azərbaycan 270 min hektar meşə sahəsini bərpa etməyi öhdəsinə götürüb:
“2023-cü ildə 4 milyona yaxın ting əkmişik, 2024-cü ildə isə bu rəqəmi daha 5 milyona çatdırmağı planlaşdırırıq”.
O, belə layihələrin həyata keçirilməsi üçün tullantı sularının təmizlənməsi və dəniz suyunun duzsuzlaşdırılması kimi innovativ suvarma üsullarının vacibliyini qeyd edib.