Keçən il su hövzələrindən 50 min metr sintetik tor toplanılıb.
“Report” xəbər verir ki, bunu Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin rəisi Hikmət Əlizadə “Ekspert saatı”nda çıxışı zamanı deyib.
Onun sözlərinə görə, 2020-ci ildə isə bu rəqəm 65 min olub: “Həmin torlar məhv edilib. Lakin bu gün də həmin torların satışı davam edir. Satıcılar həmin torlardan başqa məqsədlər üçün istifadə ilə bağlı tələblər də qoya bilər. Müvafiq orqanlar bu məsələni ciddi nəzarətə götürməlidir”.