Biləsuvarın Xırmandalı kəndində zibillik ərazi təmizlənib.
"Report"un Muğan bürosunun bu barədə kənd sakinləri məlumat verib.
Belə ki, Biləsuvar rayon Kommunal Müəssisələr Kombinatının əməkdaşları tərəfindən Balharı çayının Xırmandalı kəndi ərazisindən keçən hissəsində təmizlik və abadlıq işləri aparılaraq, çaya atılan tullantılar təmizlənmiş və ərazidən çıxarılaraq məhv edilib.
Qeyd edək ki, bir müddət öncə bu problemlə bağlı kənd sakinləri "Report"un yerli bürosuna müraciət etmişdilər. Onların sözlərinə görə, aidiyyəti dövlət orqanlarına müraciət etsələr də, problem həllini tapmırdı. Məsələ "Report"da işıqlandırıldıqdan sonra məişət tullantıları ərazidən daşınıb və abadlaşdırılıb.