Qaradağ rayonu ərazisində müvəqqəti yerləşdirilən heyvanların Bakı Zooloji Parkına köçürülməsinə başlanılıb.
Bunu “Report”a açıqlamasında Zooloji Parkın direktoru Azər Hüseynov deyib.
O bildirib ki, zooparkda təmir işləri hələ yekunlaşmayıb: “İşlər gedə-gedə müəyyən heyvanlar köçürülür. Hansı hissə hazırdırsa, o hissəyə heyvanlar yerləşdirilir”.
A.Hüseynov zooparkın açılacağı tarixin hələ dəqiq bilinmədiyini deyib.