Suriyanın şimal-şərqindəki Əl-Həsəkə şəhərində İŞİD-in 50 terrorçusu məhv edilib.
"Report" bu barədə "Al-Arabiya" telekanalına istinadən xəbər verir.
Telekanalın məlumatına görə, Suriyanın hərbi qüvvələri ABŞ hərbçilərinin dəstəyi ilə Əl-Həsəkədə terrorçuların saxlandığı həbsxanaya hücum həyata keçirib.
Hücum nəticəsində həbsxanadan qaçmağa çalışan İŞİD terrorçuları zərərsizləşdirilib.
Bundan əvvəl həbsxana yaxınlığında kamikadzenin avtomobili partlatması nəticəsində Suriyanın bir neçə döyüşçüsü ölüb.