Əfqanıstanın şimal-qərbində yerləşən Herat şəhərində partlayış nəticəsində azı 8 nəfər xəsarət alıb.
"Report" xəbər verir ki, bu barədə “Hasht-e Subh” qəzeti mənbələrə istinadən məlumat yayıb.
Bildirilir ki, "Taliban"a məxsus avtomobilin yanında qumbara partlayıb.
Zərərçəkənlər xəstəxanaya yerləşdirilib.
Yerli hakimiyyət hələlik hadisə ilə bağlı şərh verməyib.