Koreya Respublikasında güclü yağışların səbəb olduğu torpaq sürüşməsi və daşqınlar nəticəsində azı 7 nəfər ölüb, 3 nəfər itkin düşüb.
“Report” xəbər verir ki, bu barədə “Yonhap” agentliyi məlumat yayıb.
Ölkə üzrə 1,5 mindən çox insan müvəqqəti dislokasiya məntəqələrinə yerləşdirilib. Çunçon-Pukto əyalətində 6 400-dən çox sakin təxliyə edilib.
Koreya Respublikasının Meteorologiya İdarəsinin məlumatına görə, iyulun 13-dən etibarən bir sıra bölgələrə 400 mm-dən çox yağış düşüb.