Qazaxıstanın baş nazirinin müavini Azərbaycana gəlib

Bakı. 15 fevral. REPORT.AZ/ Qazaxıstanın baş nazirinin müavini Bakitjan Saqintayev Azərbaycana rəsmi səfərə gəlib.

"Report" xəbər verir ki, Heydər Əliyev Beynəlxalq Hava Limanında onu Azərbaycanın rəsmi şəxsləri qarşılayıb.

Qeyd edək ki, səfər zamanı B.Saqintayev Azərbaycanın baş naziri Artur Rasizadə, eləcə də ölkənin digər rəsmi şəxsləri ilə görüşəcək.

Baş nazirin müavini Bakının köhnə və yeni limanlarına baş çəkəcək, ticarət və yüklərin nəql edilməsi sahəsində əməkdaşlığın perspektivlərini müzakirə edəcək.