Oqtay Əsədov Süleyman Dəmirəlin dəfn mərasimində iştirak edəcək

Bakı. 18 iyun. REPORT.AZ/ Azərbaycan Milli Məclisinin sədri Oqtay Əsədov Türkiyənin 9-cu prezidenti Süleyman Dəmirəlin dəfn mərasimində iştirak edəcək. Bu barədə "Report"a parlamentin mətbuat xidmətindən bildirilib. 

O.Əsədov bu gün Türkiyənin paytaxtı Ankara şəhərinə səfər edəcək. Səfər çərçivəsində parlament sədrinin Türkiyə rəsmiləri və mərasimdə iştirak edən nümayəndə heyətlərinin başçıları ilə bir sıra görüşləri gözlənilir.

Tədbirlərdə Milli Məclis Aparatının rəhbəri Səfa Mirzəyev və digər rəsmi şəxslər iştirak edəcək.

Səfər iyunun 19-da başa çatacaq.