Bakı. 9 dekabr. REPORT.AZ/ İslamabadda "Asiyanın ürəyi - İstanbul prosesi"nin 5-ci konfransı öz işinə başlayıb.
"Report" Pakistan KİV-inə istinadən xəbər verir ki, tədbiri Pakistanın baş naziri Navaz Şərif və Əfqanıstan prezidenti Əşrəf Qəni Əhmədzay birlikdə açıb.
Tədbirdə Azərbaycan da daxil olmaqla 27 region ölkəsinin nümayəndələri Əfqanıstandakı vəziyyətin sabitləşdirilməsi və ölkələr arasında əməkdaşlığın gücləndirilməsi yollarını müzakirə edəcək.