​Ekspert: "Ermənistan Yerevanı təcavüzkar kimi tanıyan AİHM qərarına məhəl qoymur"

Bakı. 5 oktyabr. REPORT.AZ/ "Ermənistan Yerevanı təcavüzkar və işğalçı kimi tanıyan və qoşunları Azərbaycanın işğal olunmuş ərazilərindən çıxarılmasını tələb edən İnsan haqları üzrə Avropa Məhkəməsi (AİHM) qərarına və beynəlxalq hüququn tələblərinə məhəl qoymur".

"Report" xəbər verir ki, bu barədə ABŞ-ın "Washington Times" qəzetində dərc olunan Beqin-Sadat Strateji Tədqiqatlar Mərkəzinin eksperti Aleksandr Murinsonun məqaləsində deyilir. 

Müəllif  İnsan haqları üzrə Avropa Məhkəməsinin (AİHM) "Çiraqov və digərləri Ermənistana qarşı" işi üzrə 16 iyun 2015-ci il tarixli  qərarın qəbul etməsi haqqında xatırladıb. Həmin qərara əsasən, Ermənistan təcavüzkardır və Azərbaycan torpaqlarını işğal edib.