Aİ-nin Cənubi Qafqaz üzrə xüsusi nümayəndəsi Azərbaycana gəlir

Bakı. 14 aprel. REPORT.AZ/ Avropa İttifaqının Cənubi Qafqaz üzrə xüsusi nümayəndəsi Herbert Zalber Azərbaycana gəlir.

Aİ-nin Azərbaycandakı nümayəndəliyinin mətbuat xidmətindən "Report"a verilən məlumata görə, H.Zalber aprelin 15-də Bakıda hökumət rəsmiləriylə bir sıra görüşlər keçirəcək.

Görüşlər zamanı Dağlıq Qarabağ münaqişəsi zonasında qoşunların təmas xəttindəki mövcud vəziyyət müzakirə ediləcək.