​Türkiyə Baş Qərargahı Rusiyanın hərbi attaşesinə "Su-24" insidenti ilə bağlı məlumat təqdim edib

Bakı. 26 noyabr. REPORT.AZ/ Türkiyə Baş Qərargahı Rusiyanın hərbi attaşesinə "Su-24" insidenti ilə bağlı məlumat təqdim edib.

"Report" "CNN Turk"ə istinadən xəbər verir ki, qərargahın bəyanatına əsasən, Rusiya attaşesi radar məlumatlarından istifadə etməklə baş verən hadisənin detalları barədə məlumatlandırılıb, daha sonra tərəflər fikir mübadiləsi aparıblar.

Bundan əvvəl Türkiyə Rusiya attaşesi ilə "Su-24" hərbi təyyarəsinin vurulması ilə bağlı məsləhətləşmələrin aparıldığını bəyan edib.

Türkiyə hərbçiləri bu məsələ üzrə bütün sahələrdə əməkdaşlığa hazır olduqlarını bildiriblər.