Rusiya və Türkiyə prezidentləri telefon danışığı zamanı Suriyadakı vəziyyəti müzakirə ediblər

Bakı. 26 avqust. REPORT.AZ/ Rusiya prezidenti Vladimir Putin ilə Türkiyə prezidenti Rəcəb Tayyib Ərdoğan arasında telefon danışığı baş tutub.

"Report" Kremlin mətbuat xidmətinə istinadən xəbər verir ki, dövlət başçıları telefon danışığı zamanı Suriyadakı vəziyyəti müzakirə ediblər.

"Türkiyə tərəfinin təşəbbüsü ilə Rusiya prezidenti Vladimir Putin və Türkiyə prezidenti Rəcəb Tayyib Ərdoğan arasında telefon danışığı baş tutub. Liderlər Suriyadakı vəziyyətlə bağlı ətraflı fikir mübadiləsi aparıblar. Terrorla mübarizə istiqamətində birgə səylərin vacibliyi qeyd edilib", - məlumatda deyilir.