Qarsda FETÖ ilə əlaqədə şübhəli bilinən 35 hərbçi tutulub

Bakı. 28 sentyabr. REPORT.AZ/ Türkiyənin Qars bölgəsində Fətullahçı Terror Təşkilatı (FETÖ) ilə bağlı istintaq tədbirləri çərçivəsində 35 hərbçi tutulub.

"Report" "Haber7"yə istinadən xəbər verir ki, Qars əyaləti Təhlükəsizlik İdarəsinin əməkdaşları Sarıkamış 9-cu Briqada Komandanlığında axtarış aparıblar.

Məlumata görə, 35 şübhəli təhlükəsizlik idarəsinə aparılıb. 

Qeyd edək ki, bir müddət əvvəl Qarsda tutulan 15 hərbçinin istintaqı hələ də davam edir.