​İranı müdafiə edərkən həlak olanların qohumlarına vətəndaşlıq veriləcək

Bakı. 2 may. REPORT.AZ/ İran İslam Respublikası ölkə uğrunda mübarizədə həyatını itirənlərin qohumlarına vətəndaşlıq verilməsi haqda qanun qəbul edib.

"Report" xəbər verir ki, bu haqda İran KİV-i məlumat yayıb.

Məlumata görə, bu qanun 1980-1988-ci illərdə İran-İraq müharibəsində həlak olmuş xarici öləkələrin vətəndaşlarının ata-anası, həyat yoldaşı və uşaqlarına şamil ediləcək. Vətəndaşlığın verilməsi haqda qanun bir il qüvvədə olacaq.

İnformasiyaya əsasən, həmin müharibədə İran silahlıları ilə yanaşı, Əfqanıstan və İraqda olan kiçik qrup savaşıb.

Xəbərdə bildirilib ki, vətəndaşlıq haqda qanunun şamil ediləcəyi insanların sayı hələlik məlum deyil.