​Belarusda prezident seçkisinə hazırlıq başlayıb

Bakı. 14 may. REPORT.AZ/ Belarusun Mərkəzi Seçki Komissiyası (MSK) növbəti prezident seçkisinə hazırlıq işlərinə başlayıb.

"Report" "RİA Novosti"yə istinadən xəbər verir ki, bunu Belarus Mərkəzi Seçki Komissiyasının sədri Lidiya Yermoşina bildirib.

Məlumata görə, ölkədə növbəti prezident seçkisinin bu il noyabrın 15-də keçiriləcəyi gözlənilir. Avqustun ortalarında Belarus parlamenti bu siyasi kampaniyanın tarixini müəyyənləşdirəcək.

MSK sədri seçki ilə bağlı kitabçaların hazırlandığını deyib.