Bakı. 16 avqust. REPORT.A/ Türkiyə yığmasının heyətində çıxış edən Ramil Quliyev Braziliyanın Rio-de-Janeyro şəhərində keçirilən XXXI Yay Olimpiya Oyunlarında mübarizəyə start verəcək.
"Report"un məlumatına görə, azərbaycanlı atlet 200 metr məsafəyə qaçışda qüvvəsini sınayacaq.
26 yaşlı atlet ilk mərhələdə 3-cü qrupda mübarizə aparacaq. Yarışa Bakı vaxtı ilə saat 19:04-da start veriləcək. Quliyev ilk iki pillədə qərarlaşacağı təqdirdə avqustun 18-də yarımfinal yarışlarında iştirak edəcək.
Qeyd edək ki, final yarışları avstun 19-da olacaq.