Bakı. 11 avqust. REPORT.AZ/ Azərbaycanı 2016-cı il Rio-de-Janeyro Yay Olimpiya Oyunlarında təmsil edən idman gimnastı Oleq Stepko fərdi çoxnövçülük üzrə final mərhələsində mübarizə aparıb.
"Report"un məlumatına görə, 22 yaşlı idmançı 6 hərəkətin cəmində 79,081 xal toplaya bilib.
Bununla da Stepko 24 finalçı arasında 22-ci yeri tutub.
Olimpiya çempionu titulunu 92,365 xalla yaponiyalı Kohey Uçimura qazanıb. Ukraynalı Oleq Vernyayev 92,266 xalla gümüş, böyük britaniyalı Maks Vaytlok 90,641 xalla bürünc medala sahib olub.