Yevlax sakininin həyətindən 61 ədəd çətənə kolu aşkar edilib - FOTO - VİDEO

Yevlax. 2 sentyabr. REPORT.AZ/ Yevlax rayonunda narkotik tərkibli bitkilər əkib-becərən şəxs tutulub. "Report"un Qarabağ bürosunun məlumatına görə, narkotik tərkibli bitkilər rayonun Havarlı kənd sakini Elçin Fətulla oğlu Şərifzadənin həyətyanı sahəsində aşkar edilib. 
Yevlax Rayon Polis Şöbəsinin (RPŞ) əməkdaşlarının keçirdiyi əməliyyat-axtarış tədbirləri nəticəsində E.Şərifzadə saxlanılıb. Onun həyətinə baxış keçirən zaman məlum olub ki, həmin şəxs 61 ədəd çətənə kolunu xüsusi aqrotexniki qulluq etməklə yetişdirib.
Faktla bağlı araşdırmalara başlanılıb.