Bakı. 5 mart. REPORT.AZ/ Bu gün Azərbaycan idman ictimaiyyəti 5 mart - Bədən Tərbiyəsi və İdman Gününü qeyd edib. "Report"un məlumatına görə, bayramla əlaqədar gənclər və idman naziri Azad Rəhimov və qurumun rəsmi şəxsləri, AFFA nümayəndələri, Azərbaycan Cüdo Federasiyası, Azərbaycan Qılıncoynatma Federasiyası və Azərbaycan Karate Federasiyanın rəsmiləri, həmçinin idman ictimaiyyətinin digər nümayəndələri Dənizkənarı Milli Parkda təşkil olunan yarışlara tamaşa ediblər.
Qonaqlar yol boyu davam edən cüdo, şahmat, dama, qılıncoynatma, boks və karate yarışlarını izləyiblər.