​"Kredo Bank" yeni depozit kampaniyası keçirir

Bakı. 14 fevral. REPORT.AZ/ Azərbaycanın "Kredo Bank" ASC yaranmasının 21 illiyi ilə əlaqədar depozit dərəcələri ilə bağlı kampaniya keçirir.

"Report"un Banka istinadən verdiyi xəbərə görə, kampaniyaya əsasən, manat və dollarda 1 il və daha artıq müddətə yerləşdirilən depozitlərdə faiz dərəcəsi illik 12%, avroda isə 10% təşkil edir. Bu əmanətlər üzrə faizlərin aylıq çıxarılması mümkündür.

Bununla yanaşı bildirilir ki, 18 ay və daha artıq müddətə manat və dollar depozitlərində faiz dərəcəsi 13%, avroda 11%, 2 il və daha artıq müddətdə isə müvafiq olaraq 14% və 12%-dir. Bu əmanətlər üzrə faizlərin çıxarılması müddətin sonunda mümkündür.

Aksiya aprelin 1-dək davam edəcək.