Bakı. 5 sentyabr.REPORT.AZ/ Maliyyə Bazarlarına Nəzarət Palatası (MBNP) tərəfindən avqustun 31-də “Dəmir İnvestisiya Şirkəti” QSC-nin AZ1001019731 dövlət qeydiyyat nömrəli, hər birinin nominal dəyəri 10 min manat olan 23 ədəd səhmlərin emissiyasının yekunları haqqında hesabat təsdiq edilib.
Bu barədə Maliyyə Bazarlarına Nəzarət Palatasının Mətbuat xidmətindən "Report"a daxil olan məlumatda bildirilib.
Xatırladaq ki, Maliyyə Bazarlarına Nəzarət Palatası ölkədə maliyyə sektorunun dayanıqlılığını təmin etmək və bu sahədə nəzarət mexanizmlərini təkmilləşdirmək məqsədi ilə Azərbaycan Respublikasının Prezidentinin 3 fevral 2016-cı il tarixli fərmanı ilə yaradılıb.