​Pekin 2022-ci il Qış Olimpiya Oyunlarına ev sahibliyi edəcək

Bakı. 31 iyul. REPORT.AZ/ Malayziyanın paytaxtı Kuala-Lumpur şəhərində Beynəlxalq Olimpiya Komitəsinin 128-ci sessiyası keçirilib.

"Report" xəbər verir ki, iclasda 2022-ci il Qış Olimpiadasına ev sahibliyi edəcək şəhərin adı açıqlanıb.

Baş tutan seçkilər nəticəsində Çinin paytaxtı Pekin şəhəri 2022-ci il Qış Olimpiya Oyunlarının paytaxtı seçilib.

Qeyd edək ki, olimpiadaya ev sahibliyi etmək istəyən digər namizəd Qazaxıstanın Almatı şəhəri idi.