Yaponiyanın teatr rejissoru vəfat edib - FOTO

Bakı.13 may. REPORT.AZ/ Yaponiyanın tanınmış teatr rejissoru, Yaponiya Dövlət mükafatları laureatı, Yaponiyanın mədəniyyət ordeninin sahibi Yukio Ninaqava 81 yaşında vəfat edib.

"Report" xəbər verir ki, 2013-cü ildə cərrahiyyə əməliyyatı edilən rejissorun vəziyyəti 2014-cü ildə ağırlaşıb. Tanınmış rejissor ömrünün son illərini əlil arabasında keçirib.

1969-cu ildən sənət fəaliyyətinə başlayan rejissora uğur gətirən əsərləri Şeksprin faciələrinə verdiyi maraqlı quruluşlar olub.

Yukio Ninaqavanın ən uğurlu tamaşaları "Romeo və Cülyetta", "Medeya" və "Kral Lir" olub.