Əməkdar artist “Türk Dünyasında İlin Mədəniyyət Adamı” mükafatını qazanıb

Bakı. 5 mart. REPORT.AZ/ Azərbaycanın əməkdar artisti Suğra Bağırzadə Türk Dünyası Beynəlxalq Tədqiqatlar Elmlər Akademiyasının mükafatını qazanıb.

"Report" xəbər verir ki, bu barədə məlumatı "Azərbaycanfilm" kinostudiyası yayıb.

Suğra Bağırzadə Türk dünyası mədəniyyətinə verdiyi töhfələrə görə Beynəlxalq Mükafatlar Komitəsinin “Qızıl Ulduz” və “Türk Dünyasında İlin Mədəniyyət Adamı” mükafatlarına layiq görülüb.