Bakı. 10 may. REPORT.AZ/ Azərbaycanın premium kinoteatrı "CinemaPlus" ümummilli lider Heydər Əliyevin anadan olmasının 93-cü ildönümü münasibətilə Vaqif Mustafayevin çəkdiyi "Heydər Əliyev - əsl məhəbbət haqqında" filmini nümayiş edib.
"Report"un məlumatına görə, Vaqif Mustafayevin çəkdiyi 6-cı ekran işində Heydər Əliyevin həyat yoldaşı oftalmoloq-alim Zərifə Əliyeva ilə bağlı xatirələri bölüşülür.
Qeyd edək ki, film müxtəlif dillərə tərcümə olunub və dünyanın bir çox ölkələrində nümayiş olunub və beynəlxalq festivallarda iştirak edib. Moskvada keçirilən 4-cü Avrasiya teleforumunda isə əsas mükafata layiq görülüb.