Bakı. 24 may. REPORT.AZ/ “AG Telecom” şirkəti (“KaTV1” ticarət nişanı) kabel televiziyası kino həvəskarları üçün “Yay kinoteatrı” adlı kampaniyaya start verib.
“KaTV1”dən “Report”a verilən məlumata əsasən, kampaniya çərçivəsində cari TV-paketi üçün əvvəlcədən 3 aylıq ödəniş edən abunəçilər bütün yay boyu (avqustun 31-dək) “VİP Cinema” paketinə daxil olan kanalları pulsuz izləyə biləcəklər.
Eyni zamanda, alternativ kimi əvvəlcədən 3 aylıq ödəniş edən abunəçilər bütün yay boyu (avqustun 31-dək) “Sport” paketinə daxil olan kanalları pulsuz izləyə bilərlər. “Sport” paketi 12 idman kanalından ibarətdir.
Qeyd edək ki, bir müddət əvvəl “KaTV1”in internet istifadəçiləri üçün nəzərdə tutulan “Yay interneti” adlı kampaniya da keçirilib.