Bakı. 16 fevral. REPORT.AZ/ Azərbaycan Qırğız Respublikasından olan kursantlar üçün ayırılan kvotanın sayını artırmağa hazırlaşır.
"Report" "kabar.kg" saytına istinadən xəbər verir ki, bu məsələ Qırğız Respublikasının müdafiə naziri Abibillah Kudayberdiyevin Azərbaycana rəsmin səfəri zamanı məlum olub.
Xatırladaq ki, Abibillah Kudayberdiyev fevralın 10-13-də Azərbaycana rəsmi səfər edib. Səfər çərçivəsində nazir Azərbaycanın hərbi-siyasi rəhbərliyi ilə görüşlər keçirib, Qırğız Respublikası kursantlarının təhsil alacağı Heydər Əliyev adına Azərbaycan Ali Hərbi Məktəbində də olub.