Yevlaxda yük avtomobili ilə mikroavtobus toqquşub: 5 sərnişin xəsarət alıb - FOTO

Bakı. 3 fevral. REPORT.AZ/ Yevlax rayonunda ağır yol-nəqliyyat hadisəsi baş verib. "Report" xəbər verir ki, hadisə Yevlax-Bərdə magistiral avtomobil yolunun Yevlaxın Qoyunbinəsi kəndi ərazisində qeydə alınıb. "QAZel" markalı mikroavtobusla "Ford" markalı yük avtomobili toqquşub. Nəticədə mikroavtobusda olan 5 nəfər sərnişin müxtəlif dərəcəli bədən xəsarətləri alıb. Yaralılar ətrafda olan insanların köməkliyi ilə Yevlax Rayon Mərkəzi Xəstəxanasına çatdırılıb.

Faktla bağlı araşdırma aparılır.