Bakı. 20 iyul. REPORT.AZ/ Axşam saatlarında Mingəçevir şəhərində 1 nəfər su anbarında (məntəqənin ərazisində) çimərkən batmaq təhlükəsi ilə üzləşib.
"Report" xəbər verir ki, bu barədə məlumat Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olub.
Nazirliyin Dövlət Sularda Xilasetmə Xidmətinin xilasedicisi dərhal hadisə yerinə cəlb olunaraq vətəndaşı sudan çıxarıb və aidiyyati üzrə təhvil verib.