Azərbaycanın cənubunda meşə zolağında yanğın olub

Lənkəran. 29 avqust. REPORT.AZ/ Azərbaycanın cənubunda yerləşən Lənkəran rayon ərazisindəki meşə zolağında yanğın olub.

"Report"un Cənub bürosu xəbər verir ki, yanğın hadisəsi Haftoni qəsəbəsi ərazisində baş verib. 

FHN Dövlət Yanğından Mühafizə Xidmətinin Lənkəran Rayon Dövlət Yanğından Mühafizə hissəsinin iki yanğınsöndürən maşını və şəxsi heyyəti alovun söndürülməsinə cəlb olunub. Yanğın barədə hissəyə saat 14.48-də məlumat daxil olub. Yanğın saat 18.03-də tam lokallaşdırılıb. 

Nəticədə meşə zolağının ümumilikdə yarım hektar ərazisində kol-kos yanıb.