Yuxarı

Müğənni Samir Piriyev dələduzluqda təqsirləndirdiyi Kamran Həsənli ilə yeni səs yazısını ictimaiyyətə təqdim edəcək

Müğənni cinayət işi ilə bağlı özünə vəkil tutub

Bakı. 29 mart. REPORT.AZ/ Müğənni Samir Piriyev dələduzluqda ittiham etdiyi teleaparıcı Kamran Həsənlinin cinayət işi ilə əlaqədar özünə vəkil tutub.

Bu barədə “Report”a vəkil Ceyhun Yusifov məlumat verib.

C.Yusifov müğənninin onunla müqavilə bağladığını bildirib:

“Bu gün Samir Piriyevlə müqavilə bağladıq. Aprelin 2-də bu işlə əlaqədar mətbuat konfransı da keçirəcəyik. Orada maraqlı açıqlamalar olacaq. Samir Piriyevlə Kamran Həsənli arasında növbəti səs yazıları ictimaiyyətə təqdim olunacaq. Hətta Kamran Həsənlinin bacısı Gülər Həsənlinin də bu işdə əlinin olması faktlarla göstəriləcək”.

Bir müddət əvvəl S.Piriyev mətbuata açıqlamasında teleaparıcı Kamran Həsənlinin ona qarşı 80 min dollar məbləğində dələduzluq etdiyini bildirib. Hazırda faktla bağlı Nərimanov Rayon Prokurorluğunda Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi üzrə cinayət işi başlanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər