Bakı. 30 oktyabr. REPORT.AZ/ Daxili İşlər Nazirliyi (DİN) Bakıda küçənin ortasında baş verən qətl hadisəsi ilə bağlı rəsmi məlumat yayıb. "Report" nazirliyin saytına istinadən xəbər verir ki, oktyabrın 29-da paytaxtın Nizami rayonunun Q.Qarayev prospektində Bakı şəhər sakini İlahə Yusubovanın bıçaqla qətlə yetirilən meyiti tapılıb.
Hadisəni qısqanclıq zəminində törədən paytaxt sakini Babək Əliyev könüllü olaraq Sabunçu Rayon Polis İdarəsinin 14-cü Polis Bölməsinə gələrək istintaqa təslim olub.
Faktla bağlı araşdırma aparılır.