Bakıda Çin vətəndaşının çantasını oğurlayan şəxs tutulub

Bakı. 12 noyabr. REPORT.AZ/ Bakıda Çin vətəndaşının çantasını oğurlayan şəxs tutulub. Bu barədə “Report” Daxili İşlər Nazirliyinin rəsmi saytına istinadən məlumat verir.

Belə ki, Nərimanov Rayon Polis İdarəsi 17-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində noyabrın 5-də Çin vətəndaşı Xiafanq Xuenə məxsus içərisində 650 ABŞ dolları və 1500 manat olan çantanı oğurlayan Tərtər rayon sakini Fariz Səfərov tutulub.

Faktla bağlı araşdırma aparılır.