Bakıda YPX motosikletini vuran sürücü avtomobilini tərk edərək hadisə yerindən qaçıb

Bakı. 13 avqust. REPORT.AZ/ Bakıda Yol Patrul Xidmətinin (YPX) motosikletinin iştirakı ilə yol-nəqliyyat hadisəsi baş verib.

“Report” xəbər verir ki, hadisə Yasamal rayonu Mikayıl Müşfiq küçəsində qeydə alınıb.

Belə ki, həmin ərazidə xidmət aparan YPX-nin polis serjantı Samir Kərimovun idarə etdiyi “Yamaha” markalı motosiklet naməlum sürücü tərəfindən idarə edilən “Mercedes-Benz” markalı avtomobillə vurulub.

Sürücü avtomaşını tərk edərək hadisə yerindən qaçıb.

Faktla bağlı araşdırmalar aparılır.