Bakıda iki polis zabiti işdən çıxarılıb, onlar barəsində araşdırma başlanılıb

Bakı. 27 aprel. REPORT.AZ/ Nizami Rayon Polis İdarəsinin (RPİ) 24-cü Polis Bölməsinin (PB) iki əməkdaşı işdən çıxarılıb. "Report" xəbər verir ki, PB-nin baş təhqiqatçısı polis mayoru Mehbalı Rzayev və təhqiqatçı polis kapitanı Cəmil Əkbərov işlərində yol verdikləri nöqsanlara görə, daxili işlər naziri, general-polkovnik Ramil Usubovun əmri ilə sərəncama göndərilib.

Bundan başqa, M.Rzayev və C.Əkbərovun yol verdikləri qanun pozuntuları barəsində Daxili İşlər Nazirliyinin Daxili Təhqiqatlar İdarəsində araşdırma başlanılıb.