Bakı. 30 aprel. REPORT.AZ/ “Azərdəmiryol” QSC-yə məxsus yükdaşıyan elektrovozda yanğın baş verib.
"Report" xəbər verir ki, bu barədə Fövqəladə Hallar Nazirliyinin rəsmi saytı məlumat yayıb.
Məlumata görə, Ağdaş rayonu, Ləki dəmiryol stansiyasında “Azərdəmiryol” QSC-yə məxsus Gəncə-Bakı istiqamətində hərəkətdə olan yükdaşıyan elektrovozun mühərrikində elektrik avadanlıqları yanıb. Elektrovozun qalan hissəsi yanğından mühafizə olunub. Yanğını yanğınsöndürənlər söndürüb.