"Traktorsazi" portuqaliyalı baş məşqçi ilə müqavilə müddətini artırıb

Bakı. 10 fevral. REPORT.AZ/ İranın "Traktorsazi" klubu baş məşqçisi Toni Oliveyra ilə müqavilə müddətini artırıb. 

"Report"un məlumatına görə, tərəflər 1,5 illik müqaviləyə imza atacaq.

Portuqaliyalı mütəxəssislə müqavilənin artırılması barədə klub tərəfindən rəsmi açıqlamanın bir neçə gün ərzində verilməsi gözlənilir.

Qeyd edək ki, Toni Oliveyra 2012-ci ilin iyulundan "Traktorsazi"də çalışmağa başlayıb. 2013-cü ildə klubla yollarını ayıran portuqaliyalı baş məşqçi bir müddətdən sonra yenidən sabiq komandasına qayıdıb.