Bakı. 4 iyun. REPORT.AZ/ İsveçli hücumçu Zlatan İbrahimoviç İngiltərənin "Mançester Yunayted" klubu ilə Fransada keçiriləcək Avropa çempionatı – 2016-nın başlanmasınadək müqavilə imzalayacaq.
"Report" "Sky Sport"a istinadən xəbər verir ki, forvard ilə müqavilənin iyunun 13-dək imzalanması nəzərdə tutulub.
Həmin gün İsveç yığması Avropa çempionatında İrlandiya komandası ilə ilk oyununu keçirəcək.
İbrahimoviç bundan öncə cari mövsümün sonunda Fransanın PSJ klubunu tərk edəcəyini demişdi.