"Dnepr"in iki futbolçusu hakimə hücum etdiklərinə görə yarım il müddətinə cəzalandırılıb

Bakı. 18 may. REPORT.AZ/ Ukraynanın "Dnepr" klubunun iki oyunçusu - Roman Zozulya və Ruslan Rotan hakimə hücum etdiklərinə görə yarım il müddətinə cəzalandırılıb.

"Report" xəbər verir ki, bu barədə qərar Ukrayna Futbol Federasiyasının Nizam-İntizam Komitəsi tərəfindən qəbul edilib.

Cəza Ukrayna milli komandasının iştirakı ilə keçirilən oyunlara şamil edilməyəcək. Başqa sözlə, R.Zozulya və R.Rotan AVRO-2016-da iştirak edə bilər.

Xatırladaq ki, Ukrayna Kubokunun yarımfinal mərhələsi çərçivəsində baş tutmuş "Zarya" - "Dnepr" (2:0) görüşünün başa çatmasından sonra dnepropetrovsklu oyunçular baş hakim Anatoli Abdulaya hücum etmişdi. Onlar referiyə qarşı fiziki güc tətbiq etmiş, baş hakim isə bu insidenti matçın protokolunda qeyd etmişdi.