Bakı. 18 iyun . REPORT.AZ/ Çox güman ki, Beynəlxalq Olimpiya Komitəsi Beynəlxalq Yüngül Atletika Federasiyaları Assosiasiyası (IAAF) tərəfindən yarışlardan kənarlaşdırılan rusiyalı yüngül atletlərlə bağlı qərarı qüvvədə saxlayacaq.
"Report" "RİA Novosti"yə istinadən xəbər verir ki, bu barədə BOK vitse-prezidenti Con Kouts bildirib.
"Milli assosiasiyanı kənarlaşdırmaq – beynəlxalq federasiyanın hüququdur və mən düşünmürəm ki, biz (BOK) qərarımızı ləğv edəcəyik", - Kouts qeyd edib.
Bir gün əvvəl Beynəlxalq Yüngül Atletika Federasiyaları Assosiasiyası (IAAF) Şurası rusiyalı idmançıları Rio-de-Janeyroda keçiriləcək Olimpiya oyunları-2016 yarışlarında iştirakına qadağa qoyub.