Bakı. 10 sentyabr. REPORT.AZ/ Bakıda keçirilən 42-ci Ümumdünya Şahmat Olimpiadasında VIII turun təqvimi müəyyənləşib.
"Report"un məlumatına görə, bu gün kişilərdən ibarət əsas milli komanda Latviya ilə qarşılaşacaq.
İkinci yığmanın rəqibi Finlandiya olacaq. Üçüncü milli isə Dominikan Respublikası ilə üz-üzə gələcək.
Turun daha çox maraq doğuran digər görüşləri Rusiya - ABŞ, Ukrayna - Gürcüstan, İngiltərə - Hindistan, Çin - Macarıstan, Polşa - Çexiya, Hollandiya - Kuba və Fransa - Almaniyadır.
7 turdan sonra hesabında 11 xal olan əsas Azərbaycan millisi turnir cədvəlində 8-ci, ikinci yığma 9 xalla 27-ci, üçüncü komanda isə 6 xalla 98-ci pillədə qərarlaşıb.
ABŞ millisi 13 xalla olimpiadanın vahid lideridir. 12 xal toplamış komandalardan Rusiya ikinci, Gürcüstan üçüncü, Ukrayna dördüncü, Hindistan beşinci, İngiltərə altıncı, Latviya isə yeddincidir.
Qadınlardan ibarət əsas milli Çinlə qarşılaşacaq. İkinci komanda Sinqapurla, üçüncü yığmamız isə Peru ilə görüşəcək.
Kişilərin mübarizəsində olduğu kimi, qadınlarda da VIII turda Rusiya - ABŞ qarşıdurması baş tutacaq. Ukrayna Macarıstanla, Polşa Hollandiya, Hindistan Özbəkistan, Gürcüstan Argentina, Bolqarıstan Ekvador, Almaniya isə Monqoslustanla üz-üzə gələcək.
7 turdan sonra qadınların yarışında 5 komanda 12 xala malikdir. Rusiya 1-ci, Çin 2-ci, Azərbaycanın əsas millisi 3-cü, ABŞ 4-cü, Hollandiya isə 5-cidir. 9 xal toplayan ikinci komanda 24-cü, üçüncü yığma isə 32-ci yeri tutur.
Olimpiada-2016, VIII tur
Kişilər
Azərbaycan1 - Latviya
Şəhriyar Məmmədyarov - Aleksey Şirov
Teymur Rəcəbov - İqor Kovalenko
Rauf Məmmədov - Arturs Neyksans
Eltac Səfərli - Nikita Meskovs
Finlandiya - Azərbaycan2
Tomi Nibak - Vasif Durarbəyli
Daniel Ebelinq - Nicat Abasov
Vilka Sipila - Qədir Hüseynov
Tommi Luukkonen - Namiq Quliyev
Azərbaycan3 - Dominikan Respublikası
Vüqar Əsədli - Nelson Pinal Borqes
Abdulla Qədimbəyli - Xose Manuel Dominques
Məhəmməd Muradlı - Karlos Paul Abreu Yean,
Pərviz Qasımov - Xristofer Quzman
Qadınlar
Çin - Azərbaycan1
Yifan Hou - Zeynəb Məmmədyarova
Venyun Ju - Günay Məmmədzadə
Xue Zao - Gülnar Məmmədova
Sonqyi Tan - Nərmin Kazımova
Sinqapur - Azərbaycan2
Ruofan Li - Xəyalə Abdulla
Qianyun Qonq - Nərmin Xələfova
Mey-En Emmanuelle Hnq - Ülviyyə Fətəliyeva
Kay Xin Syev - Nərgiz Umudova
Peru - Azərbaycan3
Deysi Kori - Nərmin Məmmədova
Vanessa Sançes Zambrano - Xanım Balacayeva
İnqrid Alyaqa Fernandes - Gövhər Beydullayeva
Aurora Edis Feliks Veqa - Ayan Allahverdiya