Bakı. 12 sentyabr. REPORT.AZ/ Almaniyanın Ştutqart şəhərində keçirilən bədii gimnastika üzrə dünya çempionatında Azərbaycan gimnastı 2016-cı ildə Rio-de-Janeyroda keçiriləcək Yay Olimpiya Oyunlarına vəsiqə qazanıb. "Report"un Beynəlxalq Gimnastika Federasiyasının saytına istinadən verdiyi məlumata görə, buna qadın gimnast Mariya Durunda nail olub.
O, çoxnövçülük yarışında aktivinə 71.399 xal yazmaqla 24 idmançı arasında 6-cı pillədə qərarlaşıb.
Qeyd edək ki, çempionatın ilk 15 pilləsində yer tutan gimnastlar olimpiadaya yollanacaqlar.