Bakı. 16 dekabr. REPORT.AZ/ OPEC-ə üzv olmayan ölkələrdə gələn il gündəlik neft hasilatı 2014-cü ildəki 2,4 mln. barel səviyyəsindən 600 min barel azalacaq.
"Report" xəbər verir ki, bu barədə Beynəlxalq Enerji Agentliyinin aylıq hesabatında qeyd olunub: "OPEC isə gələcəkdə bazardakı payını daha da artıracaq".
Qeyd olunub ki, neftin qiymətinin bu qədər aşağı düşməsindən karteldən kənar heç bir neft hasil edən ölkə xilas ola bilməyəcək və qısa müddət ərzində hasilatı dayandırmağa məcbur olacaq.
Kartelə daxil olan bəzi ölkələr, xüsusilə də İran və İraq sanksiya və münaqişələrin bitməsindən sonra hasilatı artırmağı planlaşdırır.