"Neft Daşları" yatağında daha bir quyu istismara verilib

Bakı. 17 sentyabr. REPORT.AZ/ “Neft Daşları” yatağındakı 2 150 nömrəli stasionar dəniz özülündən 2 160 nömrəli quyu əsaslı təmirdən sonra istismara verilib.

Azərbaycan Dövlət Neft Şirkətinin (SOCAR) mətbuat xidmətinə istinadən xəbər verir ki, quyu Məhsuldar Qatın X horizontuna qaytarılıb, 1 275 - 1 271 metr intervaldan qazlift üsulu ilə sutkalıq 15 ton neft hasilatı ilə istismara daxil edilib. 

Quyuda istismar işləri “Azneft” İstehsalat Birliyinin “Neft Daşları” Neft və Qazçıxarma İdarəsi tərəfindən həyata keçirilir.