Azərbaycan Dövlət İqtisad Universitetinin professoru vəfat edib

Bakı. 8 dekabr. REPORT.AZ/ Azərbaycan Dövlət İqtisad Universitetinin professoru vəfat edib. "Report" xəbər verir ki, fizika-riyaziyyat elmlər doktoru, professor Nazim Musayev dünyasını dəyişib.

N.Musayev Azərbaycan Dövlət İqtisad Universitetinin Riyaziyyat kafedrasının professor-məsləhətçisi işləyirdi. 

Qeyd edək ki, Nazim Musayev 1991-2009-cu illərdə universitetin "Riyaziyyat" kafedrasına rəhbərlik edib. O, 2011-ci ildə "Əməkdar müəllim" fəxri adına layiq görülüb.