​Bakının atmosferini daha çox çirkləndirən rayonların adları açıqlanıb - SİYAHI

Bakı. 8 aprel. REPORT.AZ/ İnqrediyentlər üzrə Bakı şəhəri və rayonları arasında paytaxtın atmosferinə stasionar mənbərlərdən ən çox çirkləndirici maddələr Qaradağ rayonundan (49558,3 ton) atılır.

Sonrakı yerləri 36 119,9 tonla Pirallahı, 18 877,6 tonla Nizami rayonları tutur.

Bu barədə "Report"a Bakı Şəhər Statistika İdarəsindən bildirilib.

2014-cü ildə Bakı şəhəri üzrə atmosferə atılan çirkləndirici maddələrin cəmi 134 058,4 ton olub ki, bunun 6 326 tonu bərk maddələr, 127 732,4 tonu isə qaza oxşar və maye maddələr olub.

Eyni zamanda, həmin il Səbail rayonu üzrə atmosferə atılan çirkləndirici maddələrin miqdarı 16 568,1 ton, Xətai rayonundan atılan 5 451,5 ton, Binəqədi üzrə 1 025,8, Xəzər üzrə 965,3, Nərimanovdan 1 103,5, Nəsimi üzrə 86,1 və Sabunçu rayonundan 1 049,7 ton çirkləndirici atılıb.