​"Taliban"ın hücumu nəticəsində 26 əfqan polis və hərbçisi həlak olub

Bakı. 26 may. REPORT.AZ/ Əfqanıstanın Hilmənd əyalətində "Taliban" terror təşkilatı üzvlərinin hücumu nəticəsində 19 polis və 7 hərbçi həlak olub.

"Report" xəbər verir ki, yerli polis rəisinin məlumatına görə, taliblər polisə məxsus bina kompleksini mühasirəyə alıblar və hazırda mühasirə davam etməkdədir.

Terrorçular, həmçinin polis maşını və onların silahlarını ələ keçirə, o cümlədən ərazidəki yolları bağlaya biliblər.

Polis rəisinin sözlərinə görə, yerli təhlükəsizlik qüvvələrinin mühasirəni yarması üçün əlavə qüvvəyə ehtiyacı var.